تنسانة ماننساك

تنسانة ماننساك نسيانك شلون
وانت السكنت الروح وبنص العيون

لاصحبة لاصدقان عنك يعوضون
يلتسوة كل الناس ياماي العيون

عليك عيوني تسالني واحن لشوفتك هسة
واحلف ماامل منك هم واحد يمل نفسة؟

اسهر واجر حسرات وبعيني دمعة
مشتاق اريد اليوم صوتك اسمعة

موبس اذكرك دوم كل لحظة وياي
من اسمع انت بخير تضحكلي دنياي

حيل الكم اشتاق يلماتسالون
ذنب القلب يشتاق مو ذنب العيون

غالي وتظل على البال وانت الاعز دوم
كل لحظة حلوة وياك تنعد بالف يوم

الدرب صار بعيد واشتاقت الروح
والكلمة بالنقال ماتشفي الجروح

لاتظن احنا نسينا والبعد سيطر علينا
انت غالي وتبقى غالي ومعزتك مو بايدينا

دخيلك يانهر دجلة اذا عندك شغل اجلة
اريدك توصل لاحبابي سلامي بسرعة وتعجلة

من عيني اطلع الماي واكتب على الروح
اجمل رسالة شوق لعيونك تروح

غالي وتظل بالروح دوم انت غالي
تشرق شمس وتغيب وانت على بالي

انت العزيز شما غبت والغالي تبقى الغالي
يحكم ظرف مااتصل بس ماغبت عن بالي

مااريد اعذب الروح ولااريد اعذبك
واخر كلام وياك للموت احبك

تحيااااااااتي